Christopher Nyambose, mphunzitsi wamkulu wa timu ya Songwe United wati ali ndi chikhulupiliro kuti timu yake sidzatsika mu league ya TNM ngakhale ikuvutika kwambiri m’masewero ake aposachedwapa.
Mphunzitsiyu analankhula izi atagonja ndi Karonga United m’masewero ake achitatu mu ndime yomaliza ya mpikisano wa TNM Super League omwe anachitikira pa Karonga Stadium.
“Ndiwayamikire anyamata anga ngakhale tagonja anaikapo mtima ndithu. Chachikulu leroli mwai tinalibe chabe – Karonga leroli imamenya ndiphuma, inadzaza osewera ambiri kumbuyo,” anatero Nyambose.
MORE NEWS FROM WAMPIRA
- Same old story: Allan scores late as Silver strike Civil to reach 5th Top 8 Cup final
- Scorchers Stand on Edge of WAFCON History
- Tigers drop home points as Moyale extend unbeaten run to six games
- Five years of great escapes, can history save Mighty Tigers from Abyss?
- “The team is improving,” says Elias Chirambo after Hammers’ 4-0 defeat to Civil
Mphunzitsiyu wati kugonja kumeneku sikupereka chidandaulo chilichonse, potsimikiza kuti masewero atsala ambiri ndipo akukhulupirira kuti Songwe United ikupita bwino.
“Songwe yabwera kuno tiyesetse ndithu kuti tione tithera potani, komabe sitikupita kulikonse. Tiyesetse kuti masewero 12 atsalawa titenge ma points ndithu,” anatero mphunzitsi wa Songwe.
Songwe United ili pamalo otsiriza kwambiri pa m’ndandanda wa matimu mu mpikisanowu ndi ma points awiri okha itasewera masewero okwana 18. Timuyi sinapambanepo masewero, kufanana mphamvu masewero awiri, ndipo yagonja masewero 16.
Vuto lalikulu la timuyi ndi chitetezo chomwe sichikhala cholimba, chifukwa yagoletsedwa zigoli 47 season ino ndi kugoletsa zigoli 6 zokha.
Masewero 12 otsala mu season iyi ndi amene angasinthe umoyo wa timuyi, ndipo Nyambose akukhulupirira kuti anyamata ake adzitha kupeza ma points okwanira kuti ateteze malo awo mu TNM Super League.
Discover more from Wa Mpira
Subscribe to get the latest posts sent to your email.
